Քիչ առաջ կրակոցներ են հնչել Երևանում․ կան վիրավորներ

Այսօր՝ մայիսի 11-ին, մարտաֆիլմ հիշեցնող կրակոցներ են հնչել Երևանում: Ժամը 17:30-ի սահմաններում «Էրեբունի» բժշկական կենտրոն հրազենային վնասվածքներով  2 քաղաքացի է տեղափոխվել: 

Ինչպես դեպքի վայրից հայտնում է shamshyan.com-ը, վիրավորները հիվանդանոց են տեղափոխվել Արշակունյաց պողոտայից, որտեղ ոստիկանները հայտնաբերել են Mercedes մակնիշի  01 LQ 001  համարանիշի ավտոմեքենա, որի վրա կան կրակոցի և արնանման հետքեր: 

Ոստիկանությունը ունի կասկածներ, որ Էրեբունի հիվանդանոց տեղափոխված վիրավորները կապ ունեն նշված ավտոմեքենայի հետ: Կայքի տեղեկություններով՝  վիրավորներն են՝ 36-ամյա Արթուր Ասատրյանն ու 28-ամյա Լևոն Ասլանյանը: