«Եթե խելքի չգա, հաջորդը ոչ թե մեկ, այլ մի քանի ժամով կփակենք. քաղաքապետարանի մուտքը բացեցին
«Դիմադրության» շարժման մասնակիցները բացեցին Երևանի քաղաքապետարանի մուտքերը, որոնք շուրջ մեկ ժամ փակ էին պահել։
«Եթե քաղաքապետը խելքի չգա, հաջորդը ոչ թե մեկ, այլ մի քանի ժամով ենք փակելու։ Քաղաքում խցանումներն 9 բալից ավել են` այսօր մեր առաջին շենքի շրջափակման փորձն էր։ Այսօր ունենք այլ ծրագիր ևս»,–ասաց Սաղաթելյանը, կոչ անելով քաղաքապետարանի մուտքերը բացել։
Նա հայտնեց, որ նոր կարգախոս էլ ունեն` «Ոստիկա՛ն, արթնացի՛ր, մեր պայքարին միացի՛ր»։
Նշենք, որ ակցիայի մասնակիցները քաղաքապետարանի շենքի առջև ազգային պարեր էին պարում։
Սաղաթելյանն ասաց, որ իրենց առջև դրված խնդիրն այսօր կատարեցին, իսկ Ֆրանսիայի հրապարակում ժամը 20։00-ին կամփոփեն օրն ու կհայտարարեն վաղվա անելիքների մասին։
Բացելով քաղաքապետարանի շենքի բոլոր մուտքերը, ակցիայի մասնակիցները սկսեցին իրենց քայլերթը դեպի Ֆրանսիայի հրապարակ։
