Հռոմի պապը Պուտինի հետ հանդիպում է խնդրել, սակայն մինչ օրս պատասխան չի ստացել․ ՏԱՍՍ
Հռոմի Ֆրանցիսկոս պապը պատրաստակամություն է հայտնել մեկնել Մոսկվա՝ հանդիպելու Ռուսաստանի նախագահ Վլադիմիր Պուտինի հետ՝ քննարկելու Ուկրաինայում իրավիճակի կարգավորման հարցը, գրում է ՏԱՍՍ-ը։
«Այնուհետև պատերազմից քսան օր հետո խնդրեցի կարդինալ Պարոլինին ուղերձ հղել Պուտինին՝ տեղեկացնելով, որ պատրաստ եմ մեկնել Մոսկվա։ Մենք դեռ պատասխան չենք ստացել և շարունակում ենք պնդել, թեև ես մտավախություն ունեմ, որ Պուտինը չի կարող և չի անցկացնի այս հանդիպումը ներկա պահին», - ասել է պոնտիֆիկոսը Corriere della Sera թերթին տված հարցազրույցում։
Ֆրանցիսկոսն ասել է, որ «առայժմ Կիև չի գնա»։
«Ես ուղարկել եմ կարդինալներ Մայքլ Չեռնիին և կարդինալ Կոնրադ Կրայևսկուն, որոնք այնտեղ են գնացել չորրորդ անգամ: Բայց ես զգում եմ, որ ես պետք չէ գնամ: Նախ պետք է գնամ Մոսկվա, նախ պետք է հանդիպեմ Պուտինի հետ», - ասել է պոնտիֆիկոսը:
