Պուտինի ծրագրերին ծանոթ աղբյուրները պատմել են` ինչի է ուզում հասնել ՌԴ նախագահը. Financial Times
Ռուսաստանի նախագահ Վլադիմիր Պուտինը կորցրել է հետաքրքրությունը Ուկրաինայում հակամարտությունը դիվանագիտական ճանապարհով լուծելու նկատմամբ և փոխարենը, կարծես, ցանկանում է հնարավորինս շատ ուկրաինական տարածք գրավել: Այս մասին գրում է Financial Times-ը՝ վկայակոչելով ՌԴ նախագահի ծրագրերին ծանոթ երեք աղբյուրների։
Հրատարակության աղբյուրների համաձայն՝ պատերազմի սկզբում ռուսական բանակի ձախողումներից հետո Պուտինը լրջորեն քննարկել է խաղաղ կարգավորման հնարավորությունը, սակայն այժմ դրա համար հեռանկարներ չի տեսնում։ Պուտինի` այս դիրքորոշմանը գալուն նպաստել է նաև «Մոսկվա» հածանավի կործանումը. դա զայրացրել է նրան, FT-ին պատմել են աղբյուրները։
