Կիևում կապամոնտաժեն Ռուսաստանի և Ուկրաինայի ժողովուրդների բարեկամության հուշարձանը
Կիևում Ռուսաստանի և Ուկրաինայի ժողովուրդների բարեկամության հուշարձանը մասամբ կապամոնտաժեն: Այս մասին հայտարարել է Ուկրաինայի մայրաքաղաքի ղեկավար Վիտալի Կլիչկոն, գրում է Kp.ru-ն:
«Մենք ապամոնտաժում ենք երկու բանվորների բրոնզե քանդակը, որը տեղադրվել է 1982 թվականին՝ «ի հիշատակ Ուկրաինայի վերամիավորման Ռուսաստանին»։ Կիևի կենտրոնից կհեռացվի այսպես կոչված «երկու ժողովուրդների բարեկամության» ութ մետրը»,- գրել է Կլիչկոն Telegram-ում։
Ըստ նրա՝ ռուս և ուկրաինացի բանվորների քանդակները, որոնց ձեռքին Ժողովուրդների բարեկամության շքանշանով ժապավենն է, կապամոնտաժվի մեկ շաբաթվա ընթացքում:
Կիևի քաղաքապետը նշել է, որ կարմիր գրանիտե կոմպոզիցիան ժամանակավորապես կփակվի և կապամոնտաժվի ավելի ուշ, իսկ հուշարձանի կամարը կվերանվանվի և կլուսավորվի Ուկրաինայի դրոշի գույներով:
