ԵՊԲՀ-ն հերքում է լուրերը, թե բուհում դասադուլի գործընթաց է իրականացվում
Լուրեր էին տարածվել, ըստ որոնց՝ Երևանի պետական բժշկական համալսարանի ուսանողները դասադուլ են հայտարարել: ԵՊԲՀ աշխատակազմի ղեկավար Շուշան Դանիելյանը «Հայկական ժամանակի» հետ զրույցում հերքեց շրջանառվող լուրերը՝ նշելով, որ բուհում դասադուլի գործընթաց չկա:
Auroranews-ը կապ հաստատեց ԵՊԲՀ աշխատակազմի ղեկավար Շուշան Դանիելյանի հետ, ով նշեց, որ այս պահի դրությամբ չկա դասադուլի մասին որևէ տեղեկատվություն, ուստի չի համապատասխանում իրականությանը։
Նշենք, որ այսօր ընդդիմադիր մի քանի ակտիվիստներ Մխիթար Հերացու անվան բժշկական համալսարանի բակում բարձրացրել են Արցախի դրոշը և հայտարարել անժամկետ դասադուլ: Որոշ օգտատերեր և լրատվամիջոցներ սա ներկայացրել են որպես համընդհանուր դասադուլ ԵՊԲՀ-ում:
