Toshiba-ն դադարեցնում է պատվերներն ու ներդրումները Ռուսաստանում

Ճապոնական Toshiba էլեկտրական կորպորացիան դադարեցնում է պատվերներն ու ներդրումները Ռուսաստանում։ Այս մասին գրում է Kp. ru-ն:

Տարածված հայտարարության մեջ նշվում է. 

«Մենք շատ մտահոգված ենք Ուկրաինայում տիրող իրավիճակով և մեծ ցավ ենք ապրում այս հակամարտության զոհերի համար: ... Toshiba Group-ը դադարեցրել է պատվերների և ներդրումների ընդունումը Ռուսաստանում: Մենք կշարունակենք հետևել իրավիճակին և մեծ հույս ունենք հակամարտության շուտափույթ ավարտի»,- ասվում է ընկերության կայքում։

Հաղորդվում է նաև, որ Toshiba Group-ը 100 միլիոն իեն կնվիրաբերի ՄԱԿ-ի փախստականների հարցերով գերագույն հանձնակատարին և

ոչ առևտրային կազմակերպություն Japan Platform-ին «տուժածներին մարդասիրական օգնություն ցուցաբերելու համար»։