ՄԱԿ-ում արձագանքել են Wildberries-ի պահեստների հարվածներին

ՄԱԿ-ի Մարդու իրավունքների գերագույն հանձնակատարի գրասենյակի ներկայացուցիչը մեկնաբանել է Տամբովի և Մոսկվայի մարզերում Wildberries-ի պահեստներին ուկրաինական զինվորականների հասցրած հարվածները։

Միջազգային հումանիտար իրավունքի համաձայն՝ Տամբովի ու Մոսկվայի մարզերում Wildberries-ի պահեստներին ուկրաինական զինվորականների հասցրած հարվածները կարող են որակվել որպես պատերազմական հանցագործություն։ Այս մասին ՏԱՍՍ-ի հարցին ի պատասխան նշել է ՄԱԿ-ի Մարդու իրավունքների գերագույն հանձնակատարի գրասենյակի պաշտոնական ներկայացուցիչ Թամին Ալ-Խիտանը: 

Ժնևում կայացած ճեպազրույցի ընթացքում նա ընդգծել է, որ քաղաքացիական բնակչության և քաղաքացիական ենթակառուցվածքների վրա միտումնավոր հարձակումները միջազգային հումանիտար իրավունքի նորմերով պատերազմական հանցագործություն են։ Միևնույն ժամանակ պաշտոնյան ընդգծել է հետաքննություն իրականացնելու անհրաժեշտությունը։