Լիտվան արգելել է «Գեորգիևյան ժապավենի» կրումը, ինչպես նաև Z ու V նշանների կիրառումը
Լիտվան արգելել է գեորգիեւյան ժապավենի կրումը, ինչպես նաեւ հանրային տարածքներում Z ու V նշանների օգտագործումը։ Պատգամավորները երեքշաբթի 124 կողմ, 2 ձեռնպահ եւ 1 դեմ ձայներով ընդունել են Վարչական իրավախախտումների օրենսգրքում եւ Հավաքների մասին օրենքում համապատասխան փոփոխությունների կատարումը։
«Այս փոփոխություններն անհրաժեշտ են ազգային անվտանգությունն ապահովելու համար, եթե մենք ցանկանում ենք խուսափել Ուկրաինայի ճակատագրից»,- օրենսդիր ժողովի ամբիոնից հայտարարել է արգելքների նախաձեռնողներից մեկը՝ Մոնիկա Օշմյանսկենեն։
Արգելքը խախտողների համար 300-700 եվրո, իրավաբանական անձանց համար՝ մինչեւ 1200 եվրո տուգանք կսահմանվի։
