Զոհվածների հարազատները Փաշինյանի դեմ հանցագործության մասին հաղորդում են ներկայացնում
Որքան կարող են, թող շատ ծնողներ միանան մեզ: Այս մասին կոչով հանդես եկան Գլխավոր դատախազության մոտ հավաքված 44-օրյա պատերազմում զոհված զինծառայողների հարազատները: Նրանք դիմում-բողոք են կազմել, որով Հանրապետության վարչապետ Նիկոլ Փաշինյանի դեմ հանցագործության մասին հաղորդում են ներկայացնում:
Դատախազության աշխատակիցը մոտեցավ պատերազմում զոհված զինծառայողների հարազատներին և ասաց, որ իրենց կարող է ընդունել Գլխավոր դատախազի խորհրդականը:
