Պենտագոնը հաստատել է. ուկրաինացի զինվորականներին կսովորեցնեն կիրառել ամերիկյան հաուբիցները

Պենտագոնի մամուլի քարտուղար Ջոն Քիրբին հաստատել է ուկրաինացի զինվորականներին ամերիկյան հաուբիցների կիրառման ուսուցման մասին տեղեկությունը: 
 

«Ճիշտ է հետևյալը։ Մենք կարծում ենք, որ կկարողանանք սկսել Ուկրաինայի Զինված ուժերի ուսուցման գործընթացը հաուբիցներով, որոնք շուտով կտեղափոխվեն այնտեղ։ Այդ ուսուցումը տեղի կունենա Ուկրաինայի սահմաններից դուրս», – ասել է նա:

Նա հստակեցրել է, որ ամերիկացի ռազմական հրահանգիչները ուկրաինացի զինվորների ուսուցումը կսկսեն մի քանի օրից:

Հիշեցնենք, որ ԱՄՆ-ն ուկրաինացի զինվորներին կմարզի ամերիկյան հաուբիցների կիրառման համար: Այս մասին հայտնում է РИА Новости-ն՝ հղում տալով Պենտագոնի ներկայացուցչին:

Նշվում է, որ ծրագրվում է նաև ուսուցանել «այլ տեսակի» զենքերի կիրառումը: