Խերսոնում նյութեր են հայտնաբերվել 20 ուղեկցորդուհիների մասին, որոնք օգտագործվել են լրտեսության և նույնիսկ դիվերսիաների համար
Ռուսաստանի անվտանգության ուժերը Խերսոնի գրասենյակներից մեկում, ուկրաինական հատուկ ծառայությունների նախկին աշխատակցի հուշագրի շնորհիվ, հայտնաբերել են մեկ այլ մեկուսացված սենյակ՝ առանձին մուտքով:
Ինչպես գրում է РИА Новости-ն՝ Խերսոնում նյութեր են հայտնաբերվել գրեթե 20 ուղեկցորդների մասին, որոնց Ուկրաինայի արտաքին հետախուզության ծառայությունը օգտագործել է ոչ միայն որպես լրտես, այլև որպես հատուկ հանձնարարություններ և նույնիսկ դիվերսիա կատարողներ: Որպես աղբյուր լրատվամիջոցը նշում է իր տրամադրության տակ հայտնված ուկրաինական հետախուզության փաստաթղթերը:
Ուկրաինայի արտաքին հետախուզության աշխատակիցը, ներկայանալով որպես լուսանկարիչ, շահել է աղջիկների վստահությունը և առաջարկել նրանց անձնական հետաքրքիր հեռանկար։ Ռուսական ուժայիններին հաջողվել է բացահայտել այդ «լուսանկարիչներից» մեկին: Վերջինս Ուկրաինայի արտաքին հետախուզության ծառայության գնդապետ, Խերսոն քաղաքի 5-րդ վարչության պետ Ալեքսանդր Բադենկոն է։
Ամենից հաճախ «լուսանկարիչը» դյուրահավատ հաճախորդներին առաջարկում էր շահավետ ամուսնություն Արևմուտքում և Ռուսաստանում, իսկ երբեմն էլ՝ ծանոթություն հարուստ հաճախորդների հետ և աշխատանք «մեծ հեռանկարներով»։
Նշվում է, որ հավաքագրված աղջիկներին երբեմն ուղղակի առաջարկվել է սովորական մարմնավաճառ-տեղեկատուի աշխատանք, առավել ընդունակներին տեղափոխել են Արտաքին հետախուզության ծառայության փակ ուսումնական հաստատություններ սովորելու։
