ՏԵՍԱՆՅՈՒԹ. Գյումրեցի ֆերմերները 200 մետրանոց Z տառ են գրել և տեսաուղերձով ողջույններ փոխանցել Պուտինին

 Գյումրեցի ֆերմերներ Տիգրան և Գևորգ Ավագյան եղբայրները իրենց պատկանող դաշտում տրակտորով Z տառ ու Պուտին են գրել։ Նրանք իրենց ընկերների հետ հայկական ու ռուսական դրոշները պարզած, տրակտորի ֆոնին՝ դաշտից ռուսերենով իրենց ողջույններն են փոխանցել Վլադիմիր Պուտինին ու Չեչնիայի նախագահ Ռամզան Կադիրովին։

Aravot.am-ը Գևորգ Ավագյանից հետաքրքրվեց, թե ո՞րն է նման ցույց անցկացնելու նպատակը ռուս-ուկրաինական պատերազմի լարված պահերին։

 «Մենք այս ակցիան արել ենք՝ ի աջակցություն Ռուսաստանի, Արցախի։ Մեր եղբայր պետության համար ենք արել, մենք դաշնակից ենք, որպես ֆերմերներ՝ մեր աջակցությունն ենք հայտնում: Մեր տնտեսությունը կապված է ՌԴ-ի հետ: Մեր անվտանգությունը կախված է Ռուսաստանից: Թուրքիայի հետ սահմանը ռուսներ են պահում։ Մենք մեր աջակցությունն ենք հայտնում, որ ռուս ժողովուրդ, մենք ձեր կողքին ենք»,-ասաց Գևորգ Առաքելյանը։ Նա ասաց, որ 200 մետր Z-ն է, 56 մետր Պուտինի անունն է, գրել են իրենց տրակտորով։
[389d0fef16e398ffa4e4468a6fd99a16.PNG]