Ռուս տիեզերագնացները ՄՏԿ են մտել ուկրաինական դրոշի գույներով համազգեստով
Մարտի 18-ին ռուսական Սոյուզ ՄՍ-21 տիեզերանավը Բայկոնուրից հաջողությամբ Միջազգային տիեզերակայան է հասցրել 3 ռուս տիեզերագնացների։ ՄՏԿ հասնելուց հետո Օլեգ Արտեմևը, Դենիս Մատվեևը, Սերգեյ Կորսակովը տեսանյութ են հրապարակել։
Տիեզերանավում նրանք կապույտ համազգեստով էին, իսկ ՄՏԿ-ին կպնելուց հետո՝ դեղնակապտավուն համազգեստով, որը խորհրդանշում է Ուկրաինայի դրոշի գույները։
Արտեմևը բացատրել է, որ տիեզերագացներն իրենց հայեցողությամբ են ընտրել համազգեստի գույնը։ «Իրականում շատ դեղին գործվածք էր կուտակվել և ստիպված էինք դա օգտագործել։ Ահա թե ինչու ենք ընտրել դեղինը», – ասել է տիեզերագնացը։
Տեսանյութը՝ Roscosmos Media
