Սնդիկով ջերմաչափեր այլևս չեն վաճառվի, կա՞ էլեկտրոնայինների նորմալ գներով համապատասխան խմբաքանակ․ էլիբեգովա

Ադրբեջանագետ Անժելա Էլիբեգովայի գրառումը․ «Հայաստանում կարգելվի սնդիկ պարունակող սարքերի` այդ թվում սնդիկով ջերմաչափերի վաճառքը»:
երկու հարց.

1. Սնդիկով ջերմաչափերը մեր տան ո՞նց եմ ուտիլիզացնելու, նախատեսված ա՞ դրա համար հատուկ տեղ կամ ձև
2. Եթե արգելվելու է դեղատներում վաճառքը, կա՞ էլեկտրոնայինների համապատասխան խմբաքանակ նորմալ գներով փոխարինելու համար»։

Հիշեցնենք, որ Հայաստանի խորհրդարանը չորեքշաբթի օրը երկրորդ և վերջնական ընթերցմամբ ընդունեց «Սնդիկի մասին» օրինագիծը: Օրենքով արգելվում է սնդիկ պարունակող սարքերի ներկրումն ու վաճառքը։ Այդ ցուցակում են այնպիսի ապրանքներ, ինչպիսիք են լյումինեսցենտային լամպերը (որոնք Հայաստանում վաղուց արդեն չեն օգտագործվում), բարոմետրերը, մանոմետրերը, ջերմաչափերը։ Հին ջերմաչափերը, բնականաբար, բնակչությունից չեն հավաքելու, սակայն դեղատներում կդադարեն վաճառել դրանք։ Ջերմաչափերն ու մյուս սնդիկային սարքերը շուկայից հանելու ժամանակացույցը կհաստատի կառավարությունը։