Ձյուն ու բուք. ԱԻՆ–ը ներկայացրել է ճանապարհների վիճակը

ՀՀ տարածքում կան փակ և դժվարանցանելի ավտոճանապարհներ։ Որոշ մարզերում ձյուն է տեղում Շիրակում բուք է։ Տեղեկությունը հայտնում է ՀՀ արտակարգ իրավիճակների նախարարությունը։ 
Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները։ 
Վարդենյաց լեռնանցքը փակ է բոլոր տեսակի տրանսպորտային միջոցների համար: 
Վայոց ձորի մարզի Սարավան-«Զանգեր» հատվածը փակ է կցորդիչով բեռնատարների համար: 
Այս ամենից բացի, Ջերմուկ քաղաքի ավտոճանապարհները դժվարանցանելի են կցորդիչով բեռնատարների համար, Շիրակի մարզի Արթիկ-Ալագյազ, Ամասիայի, Արթիկի և Աշոցքի տարածաշրջանների ավտոճանապարհները` բոլոր տեսակի տրանսպորտային միջոցների համար: 
Կոտայքի մարզի Աբովյանի տարածաշրջանի ավտոճանապարհներին, Սյունիքի մարզի Գորիս-«Զանգեր» և Վայոց Ձորի մարզի Սարավան-«Զանգեր» կոչվող հատվածներում տեղ-տեղ առկա է մերկասառույց: 
Շիրակի մարզի Աշոցքի և Վայոց Ձորի մարզի Ջերմուկի տարածաշրջաններում տեղում է ձյուն: 
Շիրակի մարզի Ախուրյանի տարածաշրջանում բուք է: 
Լարսի մասին 
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար: Ռուսական կողմում կա մոտ 267 բեռնատար ավտոմեքենա։ 

Վարորդներին խորհուրդ է տրվում երթևեկել բացառապես ձմեռային անվադողերով։