Ձյան տեղումների պատճառով Ստամբուլում չեղարկվել է 407 չվերթ

Ստամբուլում ձյան տեղումների պատճառով չեղարկված թուրքական ավիաուղիների չվերթերի թիվը հասել է 407-ի:
Այս մասին  հայտնում է Haberturk պորտալը։ 
Երեկ Ստամբուլում տեղացած առատ ձյունը խաթարել է օդային, ծովային և ցամաքային հաղորդակցությունները։ Դպրոցներում և բուհերում դասերը չեղարկվել են. Վատ տեսանելիության պատճառով Բոսֆորի նեղուցով նավերի տեղաշարժը դադարեցվել է։ 
Պորտալի տվյալներով՝ երեկոյան սպասվում է ձյան ինտենսիվության ավելացում։