Վահագն Խաչատուրյանը չընտրվեց ՀՀ նախագահ

Ազգային ժողովի քվեարկության արդյունքում Վահագն Խաչատուրյանը չընտրվեց ՀՀ նախագահ։ Հաշվիչ հանձնաժողովի նախագահ Նարեկ Բաբայանն ասաց, որ փակ գաղտնի քվեարկությանը մասնակցել է 69 պատգամավոր, նրանք բոլորը կողմ  են քվեարկել Վահագն Խաչատուրյանի օգտին։ «Հայաստան» և «Պատիվ ունեմ» խմբակցությունները չեն մասնակցել քվեարկությանը։

«ԱԺ կանոնակարգ օրենքի 139-րդ հոդվածի 9-րդ  մասի համաձայն՝ եթե հանրապետության նախագահ չի ընտրվում առաջին փուլում, ապա անցկացվում է ընտրության երկրորդ փուլ, որին կարող են մասնակցել առաջին փուլում առաջադրված բոլոր թեկնածուները»,- ասաց ԱԺ փոխնախագահ Հակոբ Արշակյանը։

Ազգային ժողովը դարձյալ քննարկում է ՀՀ նախագահի ընտրության հարցը։