ՏԵՍԱՆՅՈՒԹ. «Հանգչիր խաղաղությամբ». РБК-ի ուղիղ եթերում Ջերմուկով խմեցին ռուսական «ֆոնդային շուկայի մահվան» կապակցությամբ
Ռուսական РБК հեռուստաընկերության ուղիղ եթերում արտառոց դեպք է գրանցվել։ ՌԴ դեմ աննախադեպ պատժամիջոցների լույսի ներքո, երբ ռուսական ֆոնդային բորսան լուրջ ճգնաժամի մեջ է հայտնվել, իրավիճակը մեկնաբանելու էին հրավիրել տնտեսագետ, ներդրումային ակումբի հիմնադիր, բորսային ռազմավարությունների հարցերով փորձագետ Ալեքսանդր Բուտմանովին։
Վերջինս նշեց, որ բորսայի մասին խոսելն արդեն անիմաստ է և այսուհետ սկսելու է Ձմեռ պապ աշխատել։ Այնուհետև նա ձեռքը վերցրեց Ջերմուկ հանքային ջրի շիշը և խմեց ֆոնդային շուկայի մահվան կապակցությամբ։ «Հանգչիր խաղաղությամբ, ֆոնդային շուկա», – նշեց փորձագետը։
«Չեմ մեկնաբանի այս ֆլեշմոբը, չեմ ուզում հավատալ դրան», – նշեց հաղորդավարը։
