Մակրոնը կհայտարարի նախագահական ընտրություններին իր թեկնածության առաջադրման մասին

 Ֆրանսիայի նախագահ Էմանուել Մակրոնը մարտի 4-ին կհայտարարի նախագահական երկրորդ ժամկետի համար իր թեկնածության առաջադրման մասին։ Այս մասին հինգշաբթի հայտնել է France Info ռադիոկայանը։

Նախագահական ընտրությունները Ֆրանսիայում կանցկացվեն երկու փուլով՝ ապրիլի 10-ին և 24-ին։ Ուրբաթ ավարտվում է թեկնածուների գրանցման գործընթացը։ Մինչև Փարիզի ժամանակով ժամը 18:00-ն (Երևանի ժամանակով 21:00-ն) պետության ղեկավարը պետք է պաշտոնապես համաձայնության նամակ ուղարկի կրկին առաջադրվելու և եկամուտների մասին հայտարարագիր Սահմանադրական խորհրդին: