Ռասպադսկայա հանքավայրից սկսել են տարհանել 600 մարդու
Ռասպադսկայա հանքավայրից, որը գտնվում է Կուզբասում, սկսել են տարհանել, գրեթե, 600 մարդու։ Այս մասին հայտնում է РИА Новости-ն՝ հղում անելով արտակարգ ծառայությունների աղբյուրին։
Գործակալության զրուցակցի խոսքով՝ մարդկանց դուրս բերելու պատճառը օդափոխիչի կանգն է եղել, որը տեղի է ունեցել կարճ միացումից հետո։
Աղբյուրը հավելել է, որ միջադեպից հետո 590 մարդ տարհանվել է։