Ալիևը խոսել է Հայաստանի հետ հարաբերությունների մասին

Ադրբեջանի նախագահ Իլհամ Ալիեւը հավատում է, որ Բաքվի եւ Երեւանի միջեւ հարաբերությունները կկարգավորվեն։ Այս մաիսն նա հայտարարել է նախօրեին ռուսական լրատվամիջոցների ղեկավարների հետ ՏԱՍՍ-ի խմբագիրների ակումբում կայացած հանդիպման ժամանակ։

«Կարծում եմ, որ երկրորդ ղարաբաղյան պատերազմի ավարտից հետո հարաբերությունները Հայաստանի հետ նույնպես կնորմալանան։ Ամեն դեպքում մենք պաշտոնապես հայտարարել ենք, որ ցանկանում ենք Հայաստանի հետ խաղաղության պայմանագիր կնքել։ Ամենայն հավանականությամբ, ինչ որ փուլում դա տեղի կունենա, սակայն ներկայիս աշխարհաքաղաքական իրողությունները մենք պետք է իրատեսորեն դիտարկենք եւ չպետք է ցանկանանք այն, ինչին առայժմ հասնելը հնարավոր չէ։ Դրա փոխարեն պետք է շարժվենք առաջ, որպեսզի հաստատենք ամուր եւ կայուն խաղաղություն Կովկասում»,- ասել է Ադրբեջանի նախագահը։