ՏԵՍԱՆՅՈՒԹ․ ԱԱԾ փոխտնօրենը՝ պետական դավաճանության դեպքերով քաղաքական գործիչների վերաբերյալ տեղեկատվության մասին
Նկատի ունենալով գործի կարեւորությունն ու ելնելով նախաքննության շահերից՝ այլ տեղեկատվություն չենք կարող տրամադրել։ Այս մասին խորհրդարանում լրագրողների հետ ճեպազրույցում հայտնեց ԱԱԾ փոխտնօրեն Սամվել Հայրապետյանը՝ անդրադառնալով Արցախյան 44-օրյա պատերազմի օրերին թշնամու օգտին կատարված լրտեսության բացահայտված դեպքերին եւ դրանց վերաբերյալ ընթացող նախաքննությանը։
Հարցին՝ արդյո՞ք կան տվյալներ առ այն, որ լրտեսության դեպքերին նաեւ քաղաքական գործիչներ են մասնակցություն ունեցել՝ հաշվի առնելով այն, որ տարբեր քաղաքական ուժեր միմյանց հասցեին նմանատիպ մեղադրանքներ են հնչեցնում, ԱԱԾ փոխտնօրենը նկատեց՝ այս պահի դրությամբ նման տեղեկատվության չեն տիրապետում։
