Զելենսկին ` Ռուսաստանի հետ լայնածավալ պատերազմ սկսելու հավանականության մասին

 Ուկրաինայի նախագահ Վլադիմիր Զելենսկին չի հավատում, որ Ռուսաստանի հետ լայնածավալ պատերազմ սկսելու հավանականություն կա, սակայն այդ դեպքում պատրաստ կլինի ռազմական դրություն մտցնել ամբողջ երկրում։ Ինչպես փոխանցում է ՏԱՍՍ գործակալությունը, այս մասին նա հայտարարել է Էստոնիայի նախագահ Ալար Կարիսի հետ մամուլի ասուլիսի ժամանակ։ 

Ուկրաինայի առաջնորդը նաև տեղեկացրել է, որ ստացել է ԱԳՆ-ից առաջարկ՝ խզելու դիվանագիտական հարաբերությունները Ռուսաստանի հետ։

«Ես կուսումնասիրեմ այն», - հավելել է Զելենսկին։ 

Հիշեցնենք, որ երկուշաբթի ուշ երեկոյան Ռուսաստանի նախագահ Վլադիմիր Պուտինը հայտարարեց Դոնեցկի և Լուգանսկի հանրապետությունների անկախության ճանաչման, ինչպես նաև նրանց հետ համակողմանի պայմանագրեր կնքելու մասին։