Մեծ Յոթնյակի երկրները համաձայնության են եկել Ռուսաստանի դեմ պատժամիջոցների միասնական փաթեթի շուրջ
Մեծ Բրիտանիայի արտաքին գործերի նախարար Լիզ Թրասը հայտարարել է, որ Մեծ Յոթնյակի երկրները համաձայնության են եկել Ռուսաստանի դեմ պատժամիջոցների միասնական փաթեթի շուրջ։ Այս մասին նա գրել է իր Twitter-ում։
«Մեծ յոթնյակի ԱԳ նախարարները խստորեն դատապարտում են Ռուսաստանի կողմից իր միջազգային պարտավորությունների խախտումը։ Ի պատասխան՝ մենք համաձայնեցինք կոորդինացված էսկալացիոն պատժամիջոցների հզոր փաթեթին։ Մեր աջակցությունը Ուկրաինայի տարածքային ամբողջականությանը անսասան է»,- գրել է նա։
Ավելի վաղ ԱՄՆ պետքարտուղարի առաջին տեղակալ Ուենդի Շերմանը նշել էր, որ Ռուսաստանը ձգտում է միջազգային հանրությանը վերադարձնել կայսրությունների ժամանակները, ինչը սպառնում է ողջ միջազգային հանրությանը։
