Լուգանսկում ՌԴ տանող մայրուղու վրա պայթուցիկ սարք է հայտնաբերվել

Լուգանսկի Ժողովրդական Հանրապետության  իրավապահ մարմինները Կրասնոդոնի մարզում Ռուսաստանի Դաշնություն տարհանված մարդկանց ավտոբուսների երթուղու վրա պայթուցիկ սարք են հայտնաբերել։ Այս մասին ՏԱՍՍ-ին հայտնել է ԼԺՀ իրավապահ մարմինների աղբյուրը։

«Կրասնոդոն քաղաքի մոտ՝ Լուգանսկ-Իզվարինո մայրուղու երկայնքով ճանապարհ է ականապատվել»,- ասել է աղբյուրը։

Որոշ տեղեկությունների համաձայն՝ սարքը գտնվել է Կրասնոդոնի և Մոլոդոգվարդեյսկի միջև եղած կամրջի տակ։ Դեպքի վայրում են իրավապահները։