ՏԵՍԱՆՅՈՒԹ. Դոնեցկում տղամարդիկ ճանապարհում են իրենց մտերիմներին
Դոնեցկից տարհանված կանանց և երեխաների ավտոբուսները Ռուսաստան կժամանեն մոտավորապես ժամը 22։00-23։00։ Այս մասին գրում է RT-ն:
Լրատվամիջոցի թղթակցի փոխանցմամբ՝ մեկ ժամից նրանք կլինեն Դոնեցկի «Ուսպենսկայա» սահմանային անցակետում (Ռոստովի մարզի «Ավիլո-Ուսպենկա» սահմանային անցակետում)։
Թղթակիցը տեղում հարցեր է ուղղել մի երիտասարդի, որը ճանապարհում էր իր ընտանիքի անդամներին:
«Դուք ուղարկում եք ձեր ընտանիքին: Ինչո՞ւ»,- հարցնում է լրագրողը, ինչին տղամարդը պատասխանում է, թե «ինչ իմանաս, հանկարծ ինչ– որ բան սկսվի»:
Լրագրողի հարցին, թե ինչու ինքը նույնպես չի հեռանում, տղամարդը պատասխանում է, որ զինապարտ է:
