Պուտինն ԱՄՆ-ից առաջարկ է ստացել
Ռուսաստանի նախագահ Վլադիմիր Պուտինը հրավեր է ստացել միանալու Գազայի հարցով «Խաղաղության խորհրդին», հայտարարել է նախագահի մամուլի քարտուղար Դմիտրի Պեսկովը։
«Այո, իսկապես, նախագահ Պուտինը նույնպես հրավեր է ստացել դիվանագիտական ուղիներով միանալու այս «Խաղաղության խորհրդին», - լրագրողներին ասել է Պեսկովը։
ԱՄՆ նախագահ Դոնալդ Թրամփը նախկինում հայտարարել էր Գազայի հարցով «Խաղաղության խորհրդի» ստեղծման մասին և խոստացել էր շուտով հրապարակել դրա անդամներին։ Խորհրդի կազմում են ԱՄՆ պետքարտուղար Մարկո Ռուբիոն, Թրամփի հատուկ դեսպանորդ Սթիվ Վիտկոֆը, ամերիկացի առաջնորդի փեսան՝ ներդրող Ջարեդ Քուշները, Մեծ Բրիտանիայի նախկին վարչապետ Թոնի Բլեյրը, Համաշխարհային բանկի նախագահ Աջայ Բանգան և ԱՄՆ ազգային անվտանգության հարցերով փոխխորհրդատու Ռոբերտ Գաբրիելը, ըստ Սպիտակ տան։
