Զախարովան՝ Լաչինի միջանցքին այլընտրանք համարվող կամրջի վերանորոգման մասին
ՌԴ ԱԳՆ պաշտոնական ներկայացուցիչ Մարիա Զախարովան հինգշաբթի օրը կայացած ճեպազրույցում անդրադարձել է կամրջի վերանորոգման աշխատանքներին, որն, ըստ ադրբեջանական ԶԼՄ-ների, պետք է այլընտրանքային ճանապարհ դառնա Լաչինի միջանցքին:
«Այս պահին ես տեղեկություն չունեմ այս հարցի վերաբերյալ։ Ես տեսա հաղորդագրությունները, մենք, իհարկե, այս թեման վերահսկողության տակ ենք պահելու։ Հենց որ որոշակի տվյալներ լինեն, կկիսվեմ ձեզ հետ, բայց այս պահին չկա»,- ասաց նա՝ ի պատասխան հայաստանցի լրագրողի այն հարցին, թե արդյո՞ք տեղեկությունը, որ ռուսական կողմն է ձեռնարկել շինարարությունը, ճիշտ է:
