ՆԱՏՕ-ն «գցեց» Ռուսաստանին՝ խոստանալով չընդլայնվել դեպի արևելք. Պուտին

ՆԱՏՕ-ն «գցեց» Ռուսաստանին՝ խոստանալով չընդլայնվել դեպի արևելք: Այս մասին նա հայտարարել է Հունգարիայի վարչապետ Վիկտոր Օրբանի հետ մամուլի ասուլիսում, փոխանցում է ՏԱՍՍ-ը։

Նրա խոսքով՝ ՆԱՏՕ-ն խոստումներ է տվել ենթակառուցվածքները «ոչ մի թիզ» դեպի արևելք չտեղափոխելու մասին։
 

«Այսօր մենք տեսնում ենք, թե որտեղ է գտնվում ՆԱՏՕ-ն՝ Լեհաստան, Ռումինիա, Բալթյան երկրներ։ Մի բան ասացին, մեկ այլ բան արեցին։ Ինչպես ժողովրդի մեջ ասում ենք՝ «գցեցին», լավ, ուղղակի խաբեցին»,- ասել է նա։

Պուտինը նաև հայտարարել է, թե ԱՄՆ-ն անվտանգության երաշխիքների վերաբերյալ իր պատասխանում անտեսել է Ռուսաստանի առաջարկների հիմնարար կետերը։