«Ինձ էլ մի կտոր տվեք, տուն տանեմ, երեխաներին ցույց տամ». Լուկաշենկո
Բելառուսի նախագահ Ալեքսանդր Լուկաշենկոն ցանկացել է պաշարված Լենինգրադից հացի կտորը տուն տանել, որը Մինսկ էր բերել Սանկտ Պետերբուրգի նահանգապետ Ալեքսանդր Բեգլովը։ Այս մասին հայտնում է «Sputnik Բելառուս»-ի Telegram ալիքը։
Լուկաշենկոյի հանդիպումը Բեգլովի եւ Բելառուսում Ռուսաստանի նոր դեսպան Բորիս Գրիզլովի հետ տեղի է ունեցել փետրվարի 1-ին։ Բեգլովը բլոկադային հաց էր բերել Հայրենական մեծ պատերազմի թանգարանում «Պաշարված Լենինգրադի խորհրդանիշները» ցուցահանդեսի համար։ «Ինձ էլ մի կտոր տվեք, տուն տանեմ, երեխաներին ցույց տամ»,- խնդրել է Լուկաշենկոն:
Ինչպես պարզաբանում է Belarus Today-ը, հացի մի մասը կփոխանցվի Լուկաշենկոյին։
