Պատրաստ են 100 դոլար վճարել հացի համար․ Ալմաթի

Ղազախստանի խոշարագույն քաղաքի՝ Ալմաթիի որոշ թաղամասերի բնակիչներ սննդի պակասի պատճառով պատրաստ են 100 դոլար վճարել հացի համար։ Այս մասին Sputnik Ղազախստանի հետ զրույցում ասել է քաղաքի էլիտար թաղամասի բնակիչներից մեկը, փոխանցում է ՌԻԱ նովոստին։

«Կարծես կտրված լինենք քաղաքակրթությունից, տարածքում ինտերնետ, բենզին, սնունդ չկա, ընտանիքս ու հարևաններս արդեն պատրաստ են 100 դոլար վճարել հացի համար, բայց դա ոչ մի տեղ չկա»,- հայտնել է բնակիչը։

Նշենք, որ Ղազախստանում զանգվածային բողոքի ցույցերը սկսվել են 2022 թվականի սկզբին: Երկրի արևմուտքում գտնվող Ժանաոզեն և Ակտաու քաղաքների բնակիչները դեմ են արտահայտվել հեղուկ գազի գների կրկնակի բարձրացմանը: