ՏԵՍԱՆՅՈՒԹ․ Ղազախստանում ցուցարարները շրջափակել են Ալմաթիի հրվանդանոցները

Ղազախստանում ցուցարարները շրջափակել են Ալմաթիի երկու հիվանդանոց թիվ առաջինը եւ յոթերոդը՝ արգելափակելով հիվանդների և բուժանձնակազմի տեղաշարժը։ Այս պահին հանրապետության հիվանդանոցներում է գտնվում գրեթե 400 տուժած, 62-ը՝ վերակենդանացման բաժանմունքում։

Նշենք նաև, որ Ղազախստանում անկարգությունների հետևանքով ավելի քան 1000 մարդ է տուժել։ Տեղեկությունը հայտնում է Sputnik Ղազախստանը։ 
 

Ղազախստանում բողոքի զանգվածային ցույցեր էին սկսվել 2022 թվականի հունվարի առաջին օրերին։ Հունվարի 4-5-ին Ալմաթիում բախումներ էին տեղի ունեցել ցուցարարների և ուժայինների միջև։ Ոստիկանները կիրառել էին գազ և խլացուցիչ նռնակներ։ Ամբողջ Ղազախստանում անջատվել է համացանցային կապը, ժամանակավորապես դադարեցվել է մի շարք հեռուստաալիքների հեռարձակումը։ 
Հունվարի 5-ին Ղազախստանի նախագահ Կասիմ-Ժոմարտ Տոկաևը երկրում երկշաբաթյա արտակարգ դրություն է մտցրել։ Նա օգնության համար դիմել է Հավաքական անվտանգության պայմանագրի կազմակերպությանը։ ՀԱՊԿ-ը որոշել է իրավիճակը կայունացնելու համար խաղաղապահ զորախումբ ուղարկել Ղազախստան։