Ղազախստանում տուժած ՀՀ քաղաքացիներ այս պահի դրությամբ չկան. ԱԳՆ

 Ղազախստանում ՀՀ դեսպանության տվյալների համաձայն՝ այս պահի դրությամբ ՀՀ քաղաքացիների շրջանում երկրում տեղի ունեցող իրադարձությունների հետևանքով տուժածներ չկան: Այդ մասին «Արմենպրես»-ի թղթակցին հայտնել է ՀՀ արտաքին գործերի նախարարության մամուլի խոսնակ Վահան Հունանյանը:

Հիշեցնենք՝ Ղազախստանում տարվա սկզբից բողոքի զանգվածային ցույցեր են մեկնարկել, պատճառը գազի գնի թանկացումն է: Թեև կառավարությունը, ցուցարարների պահանջներին ընդառաջ գնալով, խոստացել էր չփոփոխել գինը, սակայն բողոքի ակցիաները չեն դադարել երկրում: Հունվարի 5-ի առավոտյան Ղազախստանի նախագահ Կասիմ-Ժոմարտ Տոկաևը ընդունել է կառավարության հրաժարականը: Ղազախստանի ամբողջ տարածքում արտակարգ դրության ռեժիմ է սահմանվել: