«Սաակաշվիլին չունի այնպիսի ախտորոշումներ, որոնք Վրաստանում չեն բուժվում». բժիշկը` Սաակաշվիլիին արտասահման տեղափոխելու մասին
Ժողովրդական պաշտպանի կողմից ստեղծված բժիշկների խմբի անդամ, նյարդաբան Թենգիզ Ծուլաձեն ասում է, որ Միխեիլ Սաակաշվիլին Վրաստանում չբուժվող ախտորոշումներ չունի։ Այս մասին Գորիում լրագրողներին հայտնել է նյարդաբանը, փոխանցում է 1tv.ge-ն։
«Այցի նպատակը ներկա իրավիճակը ստուգելն էր, քանի որ պատրաստվում էին տեղափոխել։ Պետք էր հասկանալ, թե որքանով էր դա արդարացված, ինչով ավարտվեցին ուսումնասիրությունները, ինչպես է կազմվել Ձև 100-ը և ինչ հիմքով են սահմանվել սահմանափակումները։ Դա էր մեր այստեղ գալու նպատակը, բայց մեզ մերժեցին մուտք գործել»,- ասել է Թենգիզ Ծուլաձեն։
Սաակաշվիլիին արտասահման տեղափոխելու մասին հարցին ի պատասխան՝ բժիշկն ասել է. «Նա չունի այնպիսի ախտորոշումներ, որոնք Վրաստանում չեն բուժվում»։
