Ռուսաստանում հունվարի մեկից կարտաքսեն անօրինական գործունեությամբ զբաղվող արտասահմանցիներին

2022 թվականի հունվարի 1-ից արտասահմանցի քաղաքացիները կարող են արտաքսվել Ռուսաստանից անօրինական աշխատանքային գործունեության պատճառով:

Նրանց գործատուները ևս կարող են տուգանվել մինչև 800 000 ռուբլու չափով՝ յուրաքանչյուր աշխատակցի համար: Այս մասին հայտնել է ՌԴ ՆԳՆ-ն, փոխանցում է Life.ru-ն:

«Անօրինական աշխատանքային գործունեության համար տուգանքներից բացի (մինչև 5000 ռուբլու չափով) արտասահմանցիների նկատմամբ կարող են կիրառվել նաև այլ միջոցներ՝ կապված Ռուսաստանից արտաքսելու և վերադարձն արգելելու հետ»,- ասվում է գերատեսչության մամուլի հաղորդագրության մեջ:

Նախարարությունից հիշեցրել են, որ դեկտեմբերի 31-ին ավարտվում է ժամանակավոր միջոցառումների գործունեության ժամկետը, որոնք թույլ էին տալիս արտասահմանցիներին կարգավորել իրենք իրավական կարգավիճակը՝ առանց երկրից դուրս գալու: