Նրանք ցանկանում են հանել հնագույն հայկական քաղաքների անունները․ ռուս պատգամավորի կոշտ արձագանքը

Հավանաբար այսօր արդեն կարդացած կլինեք, որ Ադրբեջանի ԱԳՆ-ն դիմել է Google-ին՝ պահանջելով, որ վերջիներս վիրտուալ քարտեզի վրայից հեռացնեն Արցախի բնակավայրերի հայերեն անվանումները:

Այս կապակցությամբ ՌԴ Պետդումայի «Միացյալ Ռուսաստան» (իշխող կուսակցություն) կուսակցության պատգամավոր Վիտալի Միլոնովը Ֆեյսբուքում հրապարակում է արել, որում ասվում է․ «Ադրբեջանի ԱԳՆ-ն հայտնել Է, որ Google-ին խնդրել է քարտեզներից հեռացնել հայկական անվանումները Ադրբեջանի վերահսկողության տակ գտնվող Ղարաբաղի շրջաններում (Այժմ դրանք նշված են երկու լեզուներով)։ Ադրբեջանա-թուրքական ուժերի կողմից նոր ցեղասպանության և էթնիկ զտումների օրինակի լավագույն օրինակը։ Նրանք ցանկանում են հանել հնագույն հայկական քաղաքների անունները եւ փոխարինել դրանք տարօրինակ նոր անուններով, որոնք իրենց բարբառով են»։