«Չէ՞ որ նա Պուտինն է, ո՞վ նրան կվարակի կորոնավիրուսով». Դմիտրի Պեսկով
Ռուսաստանի նախագահ Վլադիմիր Պուտինի հետ շփվող անձնակազմը հետեւում է կարանտինային եւ համաճարակաբանական կանոններին, որպեսզի ոչ ոք չկարողանա վարակել պետության ղեկավարին։ Բոլոր նախազգուշական միջոցները ձեռնարկված են՝ պետության ղեկավարը պատվաստված է, ուստի նման ելքը քիչ հավանական է, հայտնել է նախագահի մամուլի քարտուղար Դմիտրի Պեսկովը Նաիլի Ասկեր-զադեի «Վտանգավոր վիրուս. Երկրորդ տարին» ֆիլմում «Ռոսիա 1» հեռուստաալիքի եթերում, փոխանցել է ՏԱՍՍ-ը։
«Չէ՞ որ նա Պուտինն է, ո՞վ նրան կվարակի», - ասել է Պեսկովը՝ պատասխանելով հարցին, թե կա՞ ինչ-որ ծրագիր, եթե ինչ-որ մեկն ամեն դեպքում վարակի Պուտինին։
Միաժամանակ Պեսկովը նշել է, որ «չի ցանկանում մտածել կամ խոսել իրադարձությունների նման շրջադարձի մասին»։ «Այդ իսկ պատճառով նախագահի շուրջ աշխատում են անհրաժեշտ թվով մասնագետներ, բժիշկներ եւ այլն՝ ապահովելու նրա համաճարակաբանական անվտանգությունը»,- ընդգծել է նախագահի մամուլի քարտուղարը։ Նա հավելել է, որ բոլոր նրանք, ովքեր այս կամ այն կերպ կապվում եւ աշխատում են Պուտինի հետ, պահպանում են համաճարակաբանական անվտանգության անհրաժեշտ կանոնները։ «Եվ դա է պատճառը, որ նախագահը, որպես Ռուսաստանի Դաշնության պատասխանատու քաղաքացի, պատվաստվել է, այնուհետեւ վերապատվաստվել, ինչպես նաեւ մասնակցել է քթի կաթիլների տեսքով պատվաստանյութի լրացուցիչ փորձարկմանը», - ընդգծել է Պեսկովը։
