ՏԵՍԱՆՅՈՒԹ․ ԱՄՆ-ում ուղղաթիռն ընկել է բանուկ մայրուղու վրա և պայթել
ԱՄՆ Լուիզիանա նահանգում ուղղաթիռն ընկել է բանուկ I-10 մայրուղու վրա։ Տեղի Wlox պորտալի փոխանցմամբ՝ վթարի հետևանքով զոհվել է միայն օդաչուն։ Ուղղաթիռի կործանման կադրերը հրապարակել է Police Frequency Telegram-ալիքը։ Նշվում է, որ միջադեպը տեղի է ունեցել երեքշաբթի՝ դեկտեմբերի 14-ին, տեղական ժամանակով կեսօրին մոտ։ Ենթադրաբար, խոսքը Bell 407 ուղղաթիռի մասին է, որում եղել է միայն օդաչուն։ Պատահարը հետաքննում են ԱՄՆ Դաշնային ավիացիոն վարչությունը և տրանսպորտի անվտանգության ազգային խորհուրդը։ Մայրուղու երթեւեկությունը մասամբ արգելափակվել է: Նշվում է նաև, որ վթարի հետևանքով վնասվել են էլեկտրահաղորդման գծեր, ինչի հետևանքով մոտ 20 հազար բնակիչ մնացել է առանց էլեկտրականության։ Այս պահին էլեկտրամատակարարումը վերականգնված է։ |
