ՏԵՍԱՆՅՈՒԹ․ Օմիկրոնի շտամ․ ՌԴ-ում ստուգում են Հարավային Աֆրիկայից ժամանած զբոսաշրջիկներին

Թռիչքների դադարեցման պատճառով Հարավային Աֆրիկայում մնացած ռուսները ժամանել են Մոսկվայի Դոմոդեդովո օդանավակայան։ Ռուսական լրատվականների տարածած տեսանյութերում երևում է, թե մարդիկ հերթի մեջ ինչպես են սպասում իրենց թեստավորմանը։ 

Ավելի վաղ հայտնի էր դարձել, որ Հարավային Աֆրիկայում է մնացել առնվազն 500 ռուս զբոսաշրջիկ։  

Հատկանշական է, որ Հարավային Աֆրիկայում COVID-19-ի դեպքերը կտրուկ աճում են օմիկրոն շտամի հայտնվելուց հետո: Ինչպես հաղորդում է The Guardian-ը, շտամը շուտով կարող է գերիշխող դառնալ երկրում:

Աճման տեմպերը մտահոգիչ են»,- ասում է դոկտոր Միշել Գրումը Հարավային Աֆրիկայի Ինֆեկցիոն հիվանդությունների ազգային ինստիտուտից (NICD):

Ավելի վաղ ԱՀԿ-ն հայտնել էր, որ վերջին շաբաթվա ընթացքում աֆրիկյան տարածաշրջանում վիրուսով վարակման նոր շաբաթական դեպքերի թիվն աճել է 93%-ով։

Նշենք, որ կորոնավիրուսով վարակվածների թվի աճ է գրանցվել ԱՄԷ-ում և Հարավային Կորեայում, որտեղ հայտնաբերվել են նաև օմիկրոն վարակի դեպքեր։