Հունաստանում օմիկրոն շտամով վարակման առաջին դեպքն է գրանցվել
Հունաստանում գրանցվել է կորոնավիրուսի նոր շտամով՝ օմիկրոնով վարակման առաջին հաստատված դեպքը։ Այս մասին ասել է Հանրային առողջապահության ազգային կազմակերպության ղեկավար, պրոֆեսոր Թեոկլիս Զաուտիսը։
Նշվում է, որ նոր շտամը հայտնաբերվել է Հունաստանի քաղաքացու մոտ՝ Կրետե կղզում։ Նա վերջերս էր ժամանել Հարավային Աֆրիկայից։
Զաուտիսի խոսքով՝ վարակվածի առաջին արագ թեստը բացասական արդյունք է տվել։ Սակայն 3 օր անց նա կրկին հանձնել է ՊՇՌ թեստ՝ այս անգամ դրական պատասխանով:
«Վարակված անձի շփման շրջանակը ևս բացահայտված է, նրանք շարունակում են մնալ հսկողության տակ»,- ասել է Զաուտիսը։
