ՄԱԿ-ը ողջունել է Հայաստանի, Ռուսաստանի և Ադրբեջանի ղեկավարների եռակողմ հանդիպումը

ՄԱԿ-ի գլխավոր քարտուղար Անտոնիու Գուտերեշը ողջունել է նոյեմբերի 26-ին կայացած Հայաստանի, Ադրբեջանի և Ռուսաստանի նախագահների եռակողմ հանդիպումը: 

Ինչպես նշվում է գլխավոր քարտուղարի մամուլի ծառայության հայտարարության մեջ՝ Գուտերեշն ի գիտություն է ընդունել երեք երկրների ղեկավարների համատեղ հայտարարությունը։ 

Նա նաև ընդգծել է Ռուսաստանի Դաշնության դերը շփումների և երկխոսության շարունակմանն աջակցելու գործում: 

«Գլխավոր քարտուղարը ոգևորված է Հայաստանի և Ադրբեջանի միջև բարձր մակարդակով ուղիղ փոխգործակցության վերականգնմամբ և 2021 թվականի նոյեմբերի 9-ի և 2021 թվականի հունվարի 11-ի եռակողմ հայտարարություններն ամբողջությամբ կատարելու նրանց հանձնառությամբ», – ասված է հայտարարության մեջ: 

Գլխավոր քարտուղարը վերահաստատել է ՄԱԿ-ի սկզբունքային դիրքորոշումը, ըստ որի տևական խաղաղությունը կարող է ձեռք բերվել միայն երկխոսության միջոցով, և կոչ է արել կողմերին լուծել չկարգավորված հարցերը բոլոր մատչելի ձևաչափերով, այդ թվում՝ ԵԱՀԿ Մինսկի խմբի համանախագահների հովանու ներքո: 

Ըստ հայտարարության՝ ՄԱԿ-ը պատրաստ է աջակցել նման բոլոր ջանքերին, այդ թվում՝ մարդասիրական օգնության ցուցաբերման, խաղաղության վերականգնման և ամրապնդման գործում օգնության ցուցաբերման  միջոցով: