Լիտվայից առաջարկ կա միգրանտներին տեղավորել Ուկրաինայում կամ Մոլդովայում
Բելառուսի և ԵՄ-ի սահմանին գտնվող միգրանտները կարող են տեղավորվել Ուկրաինայում կամ Մոլդովայում, ասել է նախկին արտգործնախարար, Ուկրաինայում և Բելառուսում Լիտվայի նախկին դեսպան Պետրաս Վայտեկունասը։
«Մենք չենք կարող թույլ տալ, որ եվրոպական արժեքային հիմքերը սասանվեն՝ մարդկային մահերի պատճառով: Այսպես թե այնպես, մենք կա՛մ պետք է նրանց ուղարկենք այնտեղից, կա՛մ ընդունենք, կա՛մ խնդրենք մեր ընկերներին Ուկրաինայում և Մոլդովայում ընդունել նրանց իրենց ճամբարներից որևէ մեկոմ: Մարդիկ չպետք է ԵՄ-ի հետ սահմանին ցրտից մեռնեն»,- ասել է Վայտեկունասը լիտվական Info TV հեռուստաալիքին տված հարցազրույցում։
Վերջերս Լիտվան, Լատվիան և Լեհաստանը հայտնել են Բելառուսի հետ սահմանին Մերձավոր Արևելքից և Աֆրիկայից ձերբակալված անօրինական միգրանտների թվի աճի մասին, Մինսկին մեղադրել են միգրացիոն ճգնաժամի մեջ: Մինսկը հերքում է բոլոր մեղադրանքները։
