Ուկրաինայի ՊՆ ղեկավարը կոչ է արել Պենտագոնին կանխել Ռուսաստանի հնարավոր «էսկալացիան»
Ուկրաինայի պաշտպանության նախարար Ալեքսեյ Ռեզնիկովը Պենտագոն կատարած այցի ժամանակ գլոբալ միասնության կոչ է արել՝ Ուկրաինայի դեմ Ռուսաստանի նոր «էսկալացիան» կանխելու համար։
Ռեզնիկովը Պենտագոնում հանդիպել է Օսթինի հետ եւ նախազգուշացրել «ռուսական ցանկացած ռազմական գործողության» հետեւանքների մասին։ «Այդ հնարավոր էսկալացիան, անկասկած, աղետալի հետեւանքներ կունենա ողջ Եվրոպայի համար»,- ասել է Ռեզնիկովը՝ Պենտագոնի իր ելույթների մի մասի սղագրության համաձայն։ «Արդյոք դա տեղի կունենա` մեծապես կախված է քաղաքակիրթ աշխարհի միասնությունից եւ ագրեսիան դադարեցնելու վճռականությունից»:
Օսթինը Ռեզնիկովին ասել է, որ Պենտագոնն «ուշադրությամբ վերահսկում է Ռուսաստանի տեղաշարժերն Ուկրաինայի սահմաններում»։ «Եվ մենք հստակ հայտնել ենք մեր մտահոգությունները Ռուսաստանի ապակայունացնող գործունեության եւ ավելի մեծ թափանցիկության մեր ձգտման վերաբերյալ»,- ասել է Օսթինը:
