ԱՄՆ ոստիկանությունն ու Գյուլենի կողմնակիցները չեն հաստատում նրա թունավորման մասին տեղեկատվությունը
Իսլամական քարոզիչ Ֆեթուլլահ Գյուլենի կողմնակիցները հերքում են ԱՄՆ-ում նրա թունավորման մասին տեղեկատվությունը: Այս մասին գրում է Kommersant-ը:
Ամերիկյան ոստիկանությունը այս առնչությամբ հայտնել է, որ քարոզչի մահվան մասին տվյալներ չունի։ Փենսիլվանիայի հանգստի կենտրոնի ղեկավարությունը, որտեղ ապրում է քարոզիչը, կեղծ է անվանել վերջինիս մահվան մասին տեղեկությունը:
Ինչպես ավելի վաղ հայտնել էինք՝ Գյուլենի ենթադրյալ մահվան մասին նախօրեին հայտնել է ընդդիմադիր թուրքական Oda TV պորտալը։ Աղբյուրի փոխանցմամբ՝ քարոզչի հետ միասին մահացել է իր շրջապատից ևս մի տղամարդ։ Նրանց ենթադրյալ մահվան մասին մանրամասներ չեն հաղորդվում։ Ենթադրվում է, որ Գյուլենի FETO կազմակերպության աշխատակիցներին հրահանգված է չշփվել մամուլի հետ։
Թուրքիայում քարոզիչը մեղադրվում է 2016 թվականին հեղաշրջման փորձի մեջ։
