ՏԵՍԱՆՅՈՒԹ. Իրականում ինչ վիճակում է Սյունիքի այլընտրանքային ճանապարհը
Գորիս-Կապան ճանապարհից օգտվում են միայն այն իրանական բեռնատարները, որոնք պատրաստ են վճարել ադրբեջանական մաքսակետում պահանջվող տուրքը։ Sputnik Արմենիայի նկարահանող խումբն արձանագրել է Սյունիքի ճանապարհների ներկա վիճակը։
Սյունիքի Գորիս–Կապան` ադրբեջանցիների կողմից փակված ավտոճանապարհի այլընտրանքային` Խոտից Որոտան գրունտային ճանապարհը ներկա պահին ակտիվորեն վերանորոգվում է։ Sputnik Արմենիայի նկարահանող խումբն արձանագրել է, որ մինչ հողային աշխատանքներ են իրականացվում, նախկին նեղ ճանապարհը կրկնակի լայնացվում է։
Խոտ-Դեպի Որոտան ճանապարհի 10 կմ-անոց ճանապարհից 6 կմ–ն արդեն ընդլայնվել ու հարթեցվել է։ Այդուհանդերձ, այլընտրանքային ճանապարհի մնացած մասը դեռ դժվարանցանելի է։ Այն հասանելի է միայն ամենագնաց ավտոմեքենաների համար։
