ՏԵՍԱՆՅՈՒԹ. Փաշինյանը՝ Սյունիքի մարզը հանձնելու մեղադրանքի մասին
Վարչապետ Նիկոլ Փաշինյանը ելույթ է ունեցել ՏԻՄ ընտրությունների քարոզարշավի կապակցությամբ կազմակերպված «Քաղաքացիական պայմանագիր» կուսակցության դրամահավաք երեկոյին։
Փաշինյանն իր ելույթում արձագանքել է Սյունիքի մարզը հանձնելու մեղադրանքին։
«Այսօր մեզ ասում են, որ Սյունիքը մաս-մաս հանձնում ենք: Եկեք նայենք, թե որն է Սյունիքի հանձնման բանաձևը. 2018 թվականի դրությամբ Սյունիքի մարզում նախադպրոցական տարիքի երեխաների միայն 4 տոկոսն է հնարավորություն ունեցել օգտվել մանկապարտեզներից և նախադպրոցական հաստատություններից։ Սա է Սյունիքի մարզի հանձնումը»,- ասաց Փաշինյանը։
Նա նաև նշել է, որ 2018 թվականին մարզն առաջատար է եղել դպրոցների թվով, որտեղ աշակերտների թիվը 100-ից պակաս է եղել. «Միայն Սյունիքի մի համայնքում բոլոր երեխաներին կրթական պրոցեսում ներգրավելու համար կառավարությունը 9 միլիարդ դրամի հատկացում է անում»,- ասել է նա:
Վարչապետը նշել է, որ «այսօր անվտանգությունը մեր ամենախոցելի կետն է»։
