Վլադիմիր Պուտինը նոյեմբերի սկզբին Սոչիում ռազմական խորհրդակցություններ կանցկացնի
Ռուսաստանի նախագահ Վլադիմիր Պուտինը նոյեմբերի սկզբին մի շարք ռազմական հանդիպումներ կանցկացնի Սոչիում, այս մասին ՏԱՍՍ-ին հայտնել է ՌԴ նախագահի մամուլի քարտուղար Դմիտրի Պեսկովը։
«Այո։ Այդ հանդիպումները տեղի կունենան հաջորդ շաբաթ», - ասել է Կրեմլի ներկայացուցիչը։
Պուտինը ավանդաբար տարեկան երկու անգամ հանդիպում է պաշտպանության նախարարության ղեկավարության, ռազմարդյունաբերական համալիրի առանցքային ձեռնարկությունների ղեկավարների, գլխավոր կոնստրուկտորների հետ։
