«Մեծ քսանյակի» գագաթնաժողովը մեկնարկել է

Հռոմում սկսվել է «Մեծ քսանյակի» գագաթնաժողովը, որի մասնակիցները շաբաթ առավոտյան ժամանել են իտալական մայրաքաղաքի հարավային թաղամասում գտնվող համաժողովների կենտրոն: 

Ինչպես փոխանցում է «ՌԻԱ Նովոստի»-ն, երկրների և կառավարությունների, ինչպես նաև խոշոր միջազգային կազմակերպությունների ղեկավարները մեքենաներով ժամանել են կենտրոն, որտեղ նրանց ողջունել է Իտալիայի վարչապետ Մատեո Դրագին: Սրահ ժամանած վերջին ղեկավարներն էին Ֆրանսիայի նախագահ Էմանուել Մակրոնն ու Գերմանիայի կանցլեր Անգելա Մերկելը: 

Միասնական լուսանկարից հետո մասնակիցները կանցնեն առաջին աշխատանքային նիստին, որը նվիրված է լինելու «համաշխարհային տնտեսությանն ու առողջապահությանը»: Գագաթնաժողովի հիմնական թեմաներն են կլիմայական խնդիրները, համավարակի հետևանքներն ու վերականգնումը: