Արդեն` Meta. հայտնի է Facebook-ի նոր անվանումը

Facebook ընկերության հիմնադիր Մարկ Ցուկերբերգը հայտարարել է, որ համանուն սոցցանցը կվերանվանվի Meta-ի։ Որոշումն արդեն կայացված է։ Ցուկերբերգի նոր ապրանքանիշը կթողարկվի հինգշաբթի։

«Մենք այժմ կոչվում ենք Մետա»,- ասել է Մարկ Ցուկերբերգը Facebook Connect ամենամյա կոնֆերանսի ժամանակ։ Նա նաև ներկայացրել է ընկերության նոր լոգոն։

Թեև Ցուկերբերգը հայտնել է, որ սոցցանցի անունը փոխվում է այն ավելի շատ «մետատիեզերքի» հետ ասոցացնելու համար, սակայն ենթադրվում է, որ անվանափոխությունը կապված է սկանդալների անվերջանալի շարքի հետ, որոնցում վերջերս հայտնվում է Facebook-ը։